Entrenatzaile bizkaitarrak denboraldi honen gainerakorako sinatuko du
FUTBOLA | Aketza Gonzalez santurtziarra da Culturaleko entrenatzaile berria. Klub durangarrak asteazkenean iragarri zuen Nando Alonso entrenatzaileak eta bere bigarrenak dimisioa aurkeztu zutela. Entrenatzaile berriak Santurtzi, Portugalete eta Zalla zuzendu ditu eta bigarren Txus Gonzalez izango du lagun.
Gaur arratsaldean lehen entrenamenduko saioa zuzenduko dute eta igandean estreinatuko dira, Alaves C-ren aurka jokatuko duen 21. jardunaldiko partiduan. Tabiran izango da arratsaldeko 17:30ean.
🔴 Ofiziala: Aketza González, lehen taldeko entrenatzaile berria
Txus Gonzalez izango da bigarren entrenatzailea.
Gaur arratsaldean zuzenduko dute lehen entrenamendu saioa. #aupacultu pic.twitter.com/c4ZpI7tU2L
— Cultural de Durango OFICIAL 💯 (@CulturalDurango) February 7, 2025
