Ermuarrak bost lasterketa irabazi ditu denboraldi honetan
KIROLAK | Aitor Hernández (Ermua Innpulso) txirrindulari ermuarrak ziklo-kroseko asteburu ikusgarria sinatu du 2024ko Lezamako XIV. Ziklokros Zirkuitoa, Ametzaga Zuiako XXXVIII. San Andres Saria irabazi eta egun batera. Garaipen honekin, Hernandezek bost garaipen lortu ditu denboraldi honetan, beste bi podiumez gain.
Aitor Hernandezek Lezaman lortu zuen garaipena, lehen itzulian bakarka nabarmendu zen lasterketa baten ostean. 24 segundo atera zizkien Hodei Muñoz gazteari eta Egoitz Hoyasi.
«Azaroa garaipen bikoitz batekin amaitzea sinestezina da. Gaur parte-hartzea oso zorrotza zen eta dena eman behar izan dut, baina ondo aurkitu naiz, sentsazio onekin. Zirkuitua ia lehorra zegoen, asteko euria gorabehera, hego haizeari esker. Irteeratik tartea ireki ahal izan dut eta ondo kudeatu dut amaieraraino. Hilabete eta erdiko denboraldian bost garaipen eskuratzeak oso pozik nauka», aitortu zuen Hernandezek lasterketaren ostean.
Azaroa amaituta, abenduko eta urtarrileko egutegiaren hurrengo hitzorduetara begira jarri da txirrindulari ermuarra, bere palmaresa handitzen jarraitzeko ilusioarekin.
