Taberna horretan lanean hasi zirenetik egoera «jasanezina» izan dela azaldu dute
ABADIÑO | Muntsaratzeko Xirimiri tabernako langileek bilera egin dute “egoera miseriazkoa eta ostalaritzako langileok jasaten ditugun gehiegikeriak” salatzeko.
Taberna horretan lanean hasi zirenetik egoera «jasanezina» izan dela azaldu dute. «Ez zizkiguten nominak ordaintzen. Batzuk hiru hilabete baino gehiago egon gara soldata jaso gabe. Eta nagusiekin hitz egin denean, erantzuna izan da haiek ez zirela GKEak», salatu dute. Azaldu dute ez zituztela aparteko orduak kobratzen eta 24 orduko prestasuna eskatzen zietela, lan-egutegirik gabe».
Orain jakinarazi diete enpresa itxi egiten dutela, «enpresa ugarietako bat». Nagusiek alde egin nahi dute zor digutena ordaintzen badigute. Zor bat utzita, 20,000 euro baino gehiago erreklamatzen ditugu, eta, egoera horren aurrean, Durangaldeko Lan Autodefentsarako Sarearekin batera antolatu gara, borroka egitea besterik ez zaigulako geratzen».
