Klima aldaketari buruz kontzientziatzeko eta jasangarritasuna sustatzeko ekimena larunbatean izango da, 20:30etik 21:30era.
DURANGO | Udalak, urtero bezala, bat egingo du WWF-k sustatutako “Planetaren Ordua” ekimen globalarekin. Ekintza honek mundu osoko hiriak eta pertsonak gonbidatzen ditu ordubetez argiak itzaltzera, jasangarritasunaren eta ingurumenaren babesaren aldeko konpromisoa adierazteko.
Datorren martxoaren 22an, larunbata, 20:30etik 21:30era, Durangoko ondorengo eraikin adierazgarrietako argiak itzaliko dira:
- Kurutzesantu ermita
- Santa Ana Arkua
- Ezkurdi Kioskoa
- San Agustin Museoa
- San Agustin Kultur Gunea
- Garai Jauregia
Udalerriak, aurreko edizioetan bezala, ekimen honekin herritarrei ohitura jasangarriagoak hartzearen garrantziaz ohartarazi nahi die, baita aldaketa klimatikoaren aurkako borrokan babesa sustatu ere.
