Tenperaturak apur bat gora egingo du eskualdean
EGURALDIA | Ostegunean eguneko tenperaturak apur bat igoko dira, euri pixka bat baztertu gabe. Goizaldean hodeiak hautsita egongo dira eta egunsenti hotza izango dugu, batez ere barnealdean. Goizean hodeiak ugaritu egingo dira eta arratsaldean zerua estali egingo da. Hodei horiekin, euria espero dugu egunaren bigarren partean. Haize ahula ibiliko da, goizean hego-ekialdetik eta arratsaldean iparraldetik.
