Zaldibarko Mertxe Uriartek eta Durangoko Peru Magdalenak eta Amaia Egidazuk jarri dute ahotsa
DURANGALDEA | Urtea amaitu eta berria hastearekin batera, Astola aldizkariko ikerketa lanetan oinarritutako azken hiru podcastak Berrizko Lorentzo Records grabazio estudioetan grabatu eta argitaratu ditu Gerediagak.
Elkarteko webgunean, Astola aldizkariari dagokion atalean entzungai dituzue atal guztiak. Baina, berrikuntza modura, podcast-ak entzuteko erabiltzen diran sareko hiru plataformatara ere igo ditugu atal guztiak: Spotify, Ivoox eta Apple Podcast.
Orain arteko podcast guztietan egin duen antzera, Edorta Barruetabeñak moldatu ditu ikerketa lanak. Sareratutako azken hiru podcastak Berrizko Margarita Maturana hobeto ezagutzeko, Anbotoko
begietan gertatzen den fenomeno astronomikoa ulertzeko eta Durangoko udaletxeko margolanen historian sakontzeko aukera ematen dute. Zaldibarko Mertxe Uriartek eta Durangoko Peru Magdalenak eta Amaia Egidazuk jarri dute ahotsa.
