Abenduaren 28an Durangora joango da, Ermuan eta Elorrion izan ondoren
DURANGALDEA | Bizkaibus Gabonak Tour 2024-25 ekimenak Bizkaia zeharkatuko du datorren urtarrilaren 4ra arte. Bizkaiko hainbat herritara eramango du autobus bat, «bereziki egun hauetarako apaindua», «Gabonez familian gozatzeko». Bertan, haurrek «desio gutunak» eman ahal izango dizkiete Olentzerori, Mari Domingiri eta Errege Magoei, Foru Aldundiak jakinarazi duenez. Ermuan eta Elorrion ibili ondoren, asteazken honetan Zornotzara iritsiko da eta 28an Durangora.
Hurrengo bisitak:
Amorebieta-Etxano, Zubiondo plaza, Abenduak 18 17:30-20: 30
Durango, Ezkurdi plaza Abenduak 28 17:30-20: 30
