Minimoak 6 gradu ingurukoak izango dira, eta maximoak 20 gradutik gorakoak
EGURALDIA | Goiz hotz eta udaberriko arratsaldeekin giro eguzkitsua izango dugu datozen egunetan eskualdean. Badirudi datorren astean udazkeneko eguraldia itzuliko dela, hodeiekin, euri batzuekin eta urtaro honetako tenperatura berezkoagoekin.
Ostirala, eguzkitsua
Ostiralerako aldaketa askorik ez. Eguraldia eguzkitsua izango da, baina erdi mailako hodeiak eta goi-hodeiak agertuko dira erdiko orduetan. Haizeak hegoaldetik joko du; arratsaldean mendebaldekoa izan daiteke zenbait tokitan, batez ere kostaldean. Eguneko tenperaturak 2 edo 3 gradu altuagoak izango dira; maximoak 20 ºC-tik gorakoak izango dira isurialde kantauriarreko leku askotan.
Larunbatean, aldaketarik ez
Eguraldiak antzera jarraituko du larunbatean. Goi-hodeiak zeruan, tarteka ugariak, baina eguraldi eguzkitsua nagusi; hegoaldeko zenbait puntutan lanbroa eta goizeko lainoa. Tenperatura minimoek gora egingo dute barnealdean, eta litekeena da izotza egitea; maximoak aurreko egunekoen antzekoak izango dira. Hego haizea; haizeak jo dezake arratsaldean kostaldean.
