Akordioaren oinarriak dira kiroldegia handitzea, Kurutziagako biribilgunea eraikitzea, San Pio urbanizatzea eta Aldatsekuko frontoia txukuntzea.
ELORRIO | EH Bilduk eta EAJ-PNVk 2025eko aurrekontuak onartu dituzte ostegun arratsaldean egindako osoko bilkuran. Elorriako Udalbatzako bi alderdi nagusiek hainbat proiektutan oinarritutako akordioa lortu dute, hala nola kiroldegia handitzea, Kurutziagako biribilgunea eraikitzea, San Pio kalea urbanizatzea eta Aldatsekua pilotalekua txukuntzea. «Epe jakin, bideragarri eta zorrotzen barruan gauzatuko diren proiektuak», nabarmendu dute EAJko iturriek.
Horrela, bada, 2025eko aurrekontuetan 100.000 euroko partida bat jasoko da, kreditu gehigarri baten bidez, 24 hilabeteko epean kiroldegia handitzeko eta eraberritzeko eraikuntza-proiektu bat egiteko. Horrez gain, udalerriko kirol-elkarteekin partaidetza-prozesu bat egingo da, Udalak sustatuko duen Kontseilu sektorial baten bidez.
Elorrioko EAJko udal taldeak, osoko bilkuran zehar, “udal politikan garai berri bat” markatzen duen akordio “historikoa” balioetsi du. Talde jeltzaletik adierazi dutenez, lau proiektuek adostasun handia dute herritarren artean, eta Elorrioko herritarren bizi-kalitatea eta bide-segurtasuna hobetuko dituzte.
Proiektuak eta epeak:
- Kiroldegia handitzea eta berritzea. Proiektu berria harpean edo azaroan lizitatzea.
- Kurutziagako biribilgunea. Proiektua 2025eko lehen sei hilabeteetarako amaitzea
- San Pio berrurbanizatzea. 2026ko lehen hiruhilekorako amaituta egotea
- Aldatsekua pilotalekua. Partaidetzazko aurrekontuetatik 50.000 bideratzea eta, beharrezkoa izanez gero, aurrekontu handiagoa ematea.
