Maximoak 30 gradutik gora geratuko dira gaur
EGURALDIA | Asteazkenean tenperaturak behera egingo du eta beroa eramangarriagoa izango da. Iparraldean beherakada nabarmena izango da: kostaldean maximoak 25 eta 30 ºC artean kokatuko dira eta kantauriar isurialdearen barnealdean 30 eta 35 ºC artean. Hegoaldean jaitsiera leunagoa izango da eta bero egiten jarraituko du, batez ere hegoaldeko muturrean, bertan 35 ºC-tik gora kokatuko baitira. Oro har, giro eguzkitsua izango dugu, eta kantauri isurialdean behe-hodeiak ugarituko dira arratsaldean eta gauean. Goizean zehar haizea ipar-mendebaldetik finkatuko da, lehenik kostaldean eta gero barnealdean.
