DOT Durangaldea

Munduko txapeldunei omenaldia Athleticen eta Espanyolen arteko partida hasi baino lehen

Elene Gurtubayk eta Daniela Agotek, 20 urtez azpiko Munduko txapeldunek, Katedralaren aitortza jasoko dute

Aitortza partida hasi baino lehen izango da

FUTBOLA | Athletic Clubek Elene Gurtubayri eta Daniela Agoteri omenaldia egingo die ostiral honetan San Mamesen, Lezaman hezitako eta emakumezkoen lehen taldeko kide diren bi futbolariei. Joan den irailean, bi jokalariek 20 urtez azpiko Munduko Txapelketa irabazi zuten Espainiako selekzioarekin, David Aznar entrenatzaile zuri-gorri ohiaren zuzendaritzapean.

Lehoiek protagonismo handia izan zuten txapelketan zehar, baita finalean ere. Bertan biek jokatu zuten, eta Espainiako selekzioak Hego Koreako selekzioa mendean hartu zuen penaltietan (4-3), neurketa golik gabe amaitu ondoren. Agotek, gainera, garaipena erabaki zuten jaurtiketetako bat sartu zuen, Italiaren aurkako finalerdiko jokalaririk onena izendatua izan zen, eta multzoen fasean Txinaren aurka ere gola egin zuen.

Horrela, Katedralak merezitako aitortza egingo die bere bi lehoiri nazioarteko beste arrakasta handi batengatik; harrotasun iturri dira bai Lezamarentzat, bai Athletic Clubentzat.

Utzi zure iruzkina

Zure e-posta helbidea ez da argitaratuko. Beharrezko eremuak * markatuta daude

Gune honek Akismet erabiltzen du zaborra murrizteko. Ikusi nola prozesatzen diren zure erantzunen datuak.

Scroll to Top