Tenperatura bizpahiru gradu baxuagoa izango da
EGURALDIA | Larunbatean iparraldeko haizea ibiliko da eta Kantauri isurialdean zerua hodeitsu egongo da, behe-hodeiekin; zenbait lekutan euri txikia ere egin lezake, batez ere egunaren hasieran. Hegoaldean zerua garbiago egongo da orokorrean, baina bero-hodeiak agertuko dira tarteka eta arratsaldetik aurrera zaparrada trumoitsuren bat egin dezake. Tenperatura bizpahiru gradu baxuagoa izango da eta udaberriko giroa izango da nagusi.
