Barikuan umeentzako jardueran egongo dira Traña-Matienan eta Zelaietan
ABADIÑO| Abadiñoko karnabalak jarraipena eukiko dabe datorren barikutik aurrera. Alde batetik tailerrak, txokolatada eta diskofesta egongo da probalekuan 15:15etik aurrera Zelaieta H.E.ko IGEK antolatuta. Eta bestetik Traña-Matienan H.E.ko IGEK antolatuta txokolatada, diskofesta eta tailerrak izango dira 16:45etik aurrera.
Zapatuan eguerdiko 12:00etan hasiko da jaialdia Zelaietatik urtengo daben kalejira batekin eta Joselontxos fanfarrearekin. Bertara Mitiñoz jantzita etortzea gonbidatzen dabe eta harri bi ekartzea, mozorro horrekin bat egiteko. Ondoren, 14:30ean Maleta siku eta bingo musikatua izango dira. Eta eguna bukatzeko Errota taldearekin erromeria izango da Txanporta plaza (euria egin ezkero probalekura pasatuko da).
Amaiera borobila emoteko, mozorroen kalejira egingo da otsailaren 17an, 18:00etan, eta amaieran ikur den Kokomarroa erreko dute Txanporta plazan.
