Las inscripciones deberán realizarse del 19 de enero al 4 de febrero
DURANGALDEA | Durangaldeko Mankomunitateko eta Durangoko Udalako adinekoen zerbitzuek adinekoei zuzendutako nazioarteko kultur bidaia antolatu dute. Programa honen helburua da Durangaldeko 60 urte edo gehiagoko pertsonei Turismo kulturala eskaintzea eta haien arteko harreman sozialak ahalbidetzea.
2026an aurreikusitako nazioarteko helmuga Polonia da, eta 200 plaza inguru eskainiko dira. Esperientzia horrek Poloniako aberastasun historiko eta kulturala aztertzera eramango ditu parte hartzaileak, eta, besteak beste, Varsovia, Lodz, Wroclaw eta Krakovia hiriak bisitatuko dituzte, baita Wielilzckako gatz-meategiak eta Austwichzeko kontzentrazio-esparru zaharra ere.
Bidaiak 7 egun/6 gaueko iraupena izango du, eta 1.545 euroko kostua pertsonako, logela bikoitzean. Banakako gela batean ostatu hartu nahi dutenek 270 euroko gehigarria ordaindu beharko dute. Prezio horretan sartzen dira 3 eta 4 izarreko hoteletako ostatua, pentsio osoko erregimenean, programan zehaztutako bisita eta sarrera guztiak, baita taldeko ezeztapen asegurua eta helmugako osasun laguntza ere, estaldura zabalekoa
Zirkuituko irteerak maiatzaren 10, 17, 24 eta 31rako programatu dira.
Parte hartzea errazteko, bidaiarien bilketa eta itzulera eskualdeko udalerri bakoitzean egingo da. Gainera, zirkuitu osoan zehar, taldeak gidari laguntzaile bat izango du.
Bidaia Varsoviarako hegaldi zuzenean egingo da, eta bertan hiriko alde zaharra ezagutu ahal izango da, Bigarren Mundu Gerraren ondoren erabat berreraikia eta Gizateriaren Ondare gisa aitortua. Ibilbidean zehar beste hiri batzuk bisitatuko dira, hala nola Lodz, ehungintzako industrialekin lotutako jauregi eta eraikin historikoz inguratuta, eta Wroclaw, “Poloniako Venezia” izenez ere ezaguna. Bidaia amaitzeko, Krakovia ezagutuko dugu, eta aldez aurretik geldialdia egingo da Auschwitzen, non kontzentrazio esparru zaharraren bisita gidatua egingo den. Bidaia amaitzeko, musika judu tradizionaleko afari eta kontzertua eskainiko da. Zirkuitua Krakoviatik itzuliko da, Bilborako zuzeneko hegaldian.
Datak eta izena emateko prozesua
Izen-emateak urtarrilaren 19tik otsailaren 4ra egin beharko dira (biak barne).
Behar izanez gero, plazen zozketa otsailaren 9an egingo da, 10:30ean, Landako Elkartegian (Landako kalea, 4 – Durango).
Informazio- eta inskripzio-puntuak:
? Durangon erroldatutako pertsonak
Durangoko Adinekoen Zerbitzua
Helbidea: Pablo Pedro Astarloa kalea, 1-2.
Telefonoa: 94 465 74 51
Posta elektronikoa: adintek@durango.eus
? Eskualdeko gainerako udalerrietan erroldatutako pertsonak: (Abadiño, Atxondo, Berriz, Elorrio, Garai, Iurreta, Izurtza, Mañaria, Otxandio, Zaldibar)
Mankomunitateko Adinekoen Zerbitzua
Helbidea: Durangoko Elkartegia, Avda. Landako, 4
Telefonoa: 94 620 05 46
Posta elektronikoa: nagusiak@dma.eus
