Abadiñoko hamaika saltokik parte hartu dute aurtengo edizioan
ABADIÑO | Abadiñoko herriak Gabonetako erakusleihoen lehiaketaren erabakia ospatu du astearte honetan. Lehiaketa Udalak bultzatu du, tokiko merkataritzak jai-giroari egiten dion ekarpenari balioa emateko. Edizio honetan, lehen saria Miren Itziar farmaziak jaso du eta bigarrena Larrano tabernak.
Aurten hamaika establezimenduk hartu dute parte lehiaketa honetan: Abarketeruena Taberna, Bar Goxoa, Enxebre Ogidenda, Farmazia Miren Itziar Sánchez Robles, Federópticos Apraiz, La Costura de Mariaje, Larrano Taberna, Mapfre Matiena, Matiena Farmazia, Xarma Fisioterapia eta Zure Denda.
Erakusleihoen lehiaketa Gabonetako kanpainan tokiko merkataritza dinamizatzeko eta establezimenduek fatxaden dekorazioan parte har dezaten sustatzeko Udalak antolatutako ekimenen parte da.
