Saltokiek gaur, abuztuak 8, arte dute izena emateko
ABADIÑO | Abadiñoko Udalak merkataritza bonuen 2025 kanpaina jarri du abian, tokiko merkataritza eta ekoizpenean kontsumoa sustatzeko ekimena, 50,000 euroko aurrekontuarekin. Oinarriak duela gutxi argitaratu dira, eta baldintzak ezartzen dituzte bai bonuak eskatu nahi dituztenentzat, bai atxikitzeko interesa duten establezimenduentzat. Azken eguna abuztuaren 8a izango da, ostirala, online edo 946215534 telefonora deituta.
-
Bonuen balioa: Bonu bakoitzak 5 euroko balioa du, eta gutxienez 7 euroko erosketa bakoitzeko erabil daiteke. Horrela, erabiltzaileak 2 euro ordaintzen ditu eta bonuak gainerako 5 euroak estaltzen ditu.
Bonu izendunak eta zatiezinak: Titularrak bakarrik erabil ditzake bere osotasunean; ezin dira hainbat erosketaz zatitu.
Merkataritzako muga: Gehienez 1,500 bonu kanpaina osoan zehar atxikitako establezimendu bakoitzeko.
Nork har dezake parte: Denda txikiak (elikadura, ehungintza, tabernak, burdindegiak, jatetxeak, farmaziak, liburu-dendak, etab.) eta Abadiñoko tokiko ekoizleak (gazta, haragia, eztia, arrautzak, barazkiak, ogia…).
Salbuespenak: Azalera handiak (1,000m² baino gehiago), tabako-dendak eta loteriak kanpainatik kanpo geratu dira.
Eskaera: Establezimenduek 2025eko abuztuaren 1era arteko epea dute atxikitzeko, udalaren egoitza elektronikoaren bidez. Parte hartzen duten saltoki guztiek kartel identifikatzaile bat izango dute, eta emandako zerrendan agertuko dira, bonuekin batera.
-
Erabiltzeko epea: 2025eko irailaren 8tik urriaren 8ra.
Bonuak: Udal bulegoetan, Errota Kultur Etxean edo Mediatekan jaso ahal izango dira, NANa aurkeztuz.
Justifikazioa: Saltokiek bildutako bonuan grapatu beharko dute erosketa txartela eta zerrenda osoa urriaren 30era arte Udaletxean entregatu. Ez da txartelik gabeko bonurik onartuko.
Ez du balio: tabakoa, alkohola eta estatuko loteriak erosteko.
Onuradunek adin nagusikoak izan behar dute, edo 18 urte bete 2025ean, eta Abadiñon erroldatuta egon behar dute, eta zerga-betebeharrak eta Gizarte Segurantzarekikoak bete behar dituzte.
