Minimoak bizpahiru gradu igoko dira, maximoetan ez da gorabehera handirik izango
EGURALDIA | Ostegunean berotik jarraituko du tenperaturak eta ordu askotan eguzkitsu egongo da. Goizean giroa eguzkitsua izango da, haize suabe eta aldakorrarekin. Eguerditik aurrera, kostaldetik hasita, haizeak iparraldera egingo du eta arratsaldean ipar-mendebaldeko haizea indartu egingo da. Arratsaldean, ipar-mendebaldeko haizea sartu ahala, hodeitza handituz joango da, kostaldetik hasi eta barnealderantz, eta egunaren amaieran hodeitsu geratuko da. Minimoak bizpahiru gradu igoko dira, maximoetan, aldiz, ez da gorabehera handirik izango.
