Tenperatura maximoak igotzen hasiko dira
EGURALDIA | Ostegunean zeruan hodeiak eta urdinguneak tartekatuko dira, baina iparraldean goizaldean eta goizeko lehen orduetan euri pixka bat egin dezake oraindik. Tenperatura maximoak igotzen hasiko dira: 2-4 ºC inguru igoko dira eta, era horretan, 24-28 ºC artean ibiliko dira. Berriz ere, hegoaldeko eskualdeetan neurtuko dira altuenak eta 30 ºC-ak gaindituko dira. Goizaldean iparraldean hodei asko izango dira oraindik, eta euri txikia egin dezake, baina, goizak aurrera egitearekin batera, ostarteak gailenduz joango dira eta eguerdi eta arratsaldean giro eguzkitsua nagusituko da denean. Arratsalde eta gauean bero-hodeiak agertuko dira eta ez da baztertzen txokoren batean ekaitzak jotzea, gehienbat hegoaldean.
