Maximoak 28 graduren bueltan geratuko dira gaur Durangaldean
EGURALDIA | Udaberriko eguna; eguraldi eguzkitsua eta tenperaturaren igoera nabarmena, batez ere barnealdean. Goizeko lainoaren ondoren, giroa eguzkitsua izango da, erdi mailako hodei eta goi-hodei batzuekin. Goizean zehar ibiliko den eguzkiak eta hego haizeak giroa epelduko dute eta maximoak 22-23 ºC-ren bueltan kokatuko dira kostaldean eta gainerako tokietan 25-28 ºC artean geratuko dira. Arratsaldean, kostaldetik hasita, haizea ipar-mendebaldera aldatuko da.
