Indar Xsportek antolatuta, 200 pertsona inguruk izena eman dute Hilario Azkarate pilotalekuan modalitate ezberdinetan lehiatzeko
ARTE MARTZIALAK | Aurten ere, eta dagoeneko lau dira, Indar Xsportek Kickboxing eta Muay Thay Open berri bat antolatu du larunbaterako Elorrion. Txapelketa hau Haur, Kadete Txiki, Kadete Nagusi, Junior, Senior eta Master mailetara zuzenduta dago (emakumezkoak eta gizonezkoak). “Iazko arrakastaren ondoren, berriro sartu dugu Kickboxing inklusiboa modalitatea, Elorrioko biztanle guztiek gozatu ahal izango dutena. Oraingo honetan hiru lehiaketa tatami izango ditugu, iazko kluben joan-etorria ikusita, eta beti bezala Hilario Azkarate frontoian egingo da “, aurreratu zuten antolatzaileek.
Txapelketa 10:00etatik 16:00etara izango da.
