Zenbait lekutan txingorra ere egin dezake gaur arratsaldean
EGURALDIA | Astearte goizean hodeiak eta ostarteak zeruan; ateri eutsiko dio leku gehienetan. Egunaren erdiko orduetan hodeiak gailenduz joango dira berriro eta eguerditik aurrera noizbehinka zaparrada trumoitsuak botako ditu; zenbait lekutan txingorra ere egin dezake. Goizean goiz hego-haizea ahul ibiliko da, arratsaldean iparraldetik joko du haizeak. Tenperatura maximoetan aldaketa handirik ez, 18 eta 20 ºC artekoak izango dira.
