Gauean erdi mailako hodeiak eta goi-hodeiak ugarituko dira
EGURALDIA | Asteartea eguzkitsu dator eta tenperaturak beste koska bat egingo du gora. Egunsentiko behe-lainoak desegin ostean, zerua oskarbi egongo da; gauean erdi mailako hodeiak eta goi-hodeiak ugarituko dira. Haizea ahul ibiliko da, goizean hego ukituarekin eta arratsaldean iparraldetik. Tenperaturak gora egingo du, gaua epelagoa izango da eta maximoak leku askotan 20 ºC-tik gora geldi daitezke.
