Helburu nagusia da zentroaren irisgarritasuna hobetzea, erabiltzaile guztiak eraikinera modu eroso eta seguruan sar daitezen
AMOREBIETA-ETXANO | Udalak hasiera eman die Jauregibarria kalean dagoen Nafarroa Zentrora sartzeko arrapala berri bat eraikitzeko lanei. Proiektu honen helburu nagusia da zentroaren irisgarritasuna hobetzea, erabiltzaile guztiak, mugikortasun murriztua dutenak barne, eraikinera modu eroso eta seguruan sar daitezen.
Esku-hartzea bi zatiko arrapala bat eraikitzean datza; arrapala honek % 8ko malda eta 2 metroko luzera duen tarteko eskailera-buru bat izango ditu. Diseinu horri esker, sarbidearen eta kalearen arteko 104 cm-ko altuera gaindituko da.
Gainera, arrapalak barandak eta altzairu galbanizatuzko eskudelak izango ditu, erabiltzaileen segurtasuna bermatzeko.
Hobekuntza-proiektuak 57.340,65 euroko aurrekontua eta bi hilabeteko egikaritze-epea ditu. Denbora horretan, arrapala eraikitzeko lanez gain, hiri-elementu batzuk birkokatuko dira, hala nola publizitate-kartel bat, eta sarbidetik gertu dauden saneamendu-instalazioak aldatuko dira.
Hobekuntza horiek Amorebieta-Etxanoko Udalak irisgarritasunarekin eta ingurune inklusiboago bat sortzearekin duen konpromisoaren beste adibide bat dira.
