Euskadiko selekzioarekin, lehen postuan geratu zen taldeka eta proba inklusiboan
ATLETISMOA | Uxue Ortiz abadiñarrak bere palmaresa handitzen jarraitzen du. Pasa den asteburuan 16 urtez azpiko Euskadiko selekzioarekin parte hartu zuen Almodovar del Rion (Kordoba) jokatutako Espainiako Txapelketan. Euskal taldea Espainiako txapeldun izan zen, bai taldekako sailkapenean, bai proba inklusiboan, eta horri esker Abadiñoko atletak bi urre berri eskuratu zituen. Gaur egun, Basauriko Javi Conde klubeko kidea da Uxue, eta bertan bere iraunkortasunaren eta ahaleginaren fruitua jasotzen ari da.
