Tabirakoren saskiratzaile nagusiak Gorane Urain izan zen
SASKIBALOIA | Tabirako Baqueko Lehen Nazional mailako emakumezkoen taldeak Unibasket Logroñori irabazi zion, luzapen eta guzti (70-68). Antxon Imazek, Joseba Arkarazok, Maren Hormaetxeak eta Jorge Uriartek zuzentzen dituzten taldeak markagailuan azpitik hasi dira (17-19) eta atsedenaldira berdinketarekin iritsi ziren (35-35). Aldageletatik igaro ondoren, partidak oso parekatuta jarraitu zuen (52-50) eta azken laurden bikain batek luzapenera eraman zuen norgehiagoka 62 puntuko berdinketarekin. Luzia Perezen saskiratze batek eta hiru errioxarren hutsegiteak garaipena ekarri zuten.
Tabirakoren saskiratzaile nagusiak Gorane Urain (22 puntu eta 3 errebote) eta Bineta Sane (15 puntu eta 6 errebote) izan ziren. Garaipen honekin, Tabirako seigarren kokatu da sailkapenean 13 garaipen eta hamar porrotekin. Hurrengo jardunaldian, Hondarribiari egingo diote bisita larunbatean, etxean (19.00etan).
