DOT Durangaldea

94 655 00 33   info@dot.eus

Tabirakok galdu egin du Iruki Take Tolosaren aurka

Durangarrek azken laurden kaskarra jokatu zuten eta porrota jaso zuten

Tabirakoren beste porrot bat. ARTXIBOKO IRUDIA: Luis Iturrioz

SASKIBALOIA | Tabirako Baqueren taldeak ezin izan dio Iruki Take Tolosa hirugarren sailkatuari irabazi (75-51). Talde durangarrak ezin izan zuen talde gipuzkoarra gainditu. 23-13koarekin hasi zen lehen partziala eta atsedenaldira desabantaila handiarekin iritsi ziren (39-23). Aldageletatik igaro ondoren, durangarrek hirugarren laurden ona egin zuten eta zortzi puntura jarri ziren (52-44) baina azken laurden kaskar baten ondorioz gipuzkoarrek hogei puntu baino gehiagoko aldea lortu zuten.

Banakako estatistikei dagokienez, partidako saskiratzaile nagusiak Jokin Camarero (12 puntu eta 5 errebote) eta Aitor Calle (11 puntu) izan ziren. Hurrengo jardunaldian, Tabirakok Santiagoko taldea hartuko du larunbat honetan, 19:00etan, Landako kiroldegian.

Utzi zure iruzkina

Zure e-posta helbidea ez da argitaratuko. Beharrezko eremuak * markatuta daude

This site uses Akismet to reduce spam. Learn how your comment data is processed.

Scroll to Top