Emakumezkoen lehen taldeak denboraldiko bederatzigarren garaipena lortu du
SASKIBALOIA | Tabirako Baque-ko Lehen Nazional mailako emakumezkoen taldeak garaipen garrantzitsua lortu zuen Navarro Villosladaren aurka (60-44). Durangarrek neurketa bikaina egin zuten nafarren aurka. Markagailuan azpitik hasi ondoren (7-13), bigarren partzialean erreakzionatu eta markagailuari buelta emateko gai izan ziren, atsedenaldira 24-16ko emaitzarekin helduz.
Aldageletatik igaro ondoren, Tabirakoko emakumezkoen lehen taldea nagusi izan zen eta markagailuan 47-28 lortu zuten hirugarren partzialean, azken partzialean aldea mantenduz eta denboraldiko bederatzigarren garaipena eskuratuz.
Tabirakoren saskiratzaile nagusia Gorane Urain izan zen, 18 puntu eta 3 erreboterekin, ondoren Bineta Sané (15 puntu, 14 errebote) eta Nerea Imaz, 9 punturekin. Hurrengo jardunaldian Tabirakok La Salle bigarren sailkatuari egingo dio bisita larunbat honetan (16.00etan).
