Etxeko azken topaketa bihar izango da, 12:30ean
SASKIBALOIA | Igande honetan, 12:30ean, Tabirako Alai taldearen azken partida izango da merkatu plazan. Durangarrak desgaitasun intelektuala duten pertsonen lehen taldea jarri du martxan denboraldi honetan.
Topaketa honetarako sorpresak prestatu dira, hala nola Durangoko Orfeoiaren emanaldia, Tabiren ereserkia abestuko duena, Euskaraldia ospatzeko ekitaldi txiki bat eta familiaren argazkia. “Bertaratzen direnentzako sorpresa bat ere izango da”, esan dute klubetik azokako plaza betetzera animatzeko.
