Udalak lehen aldiz 40.000 euroko dirulaguntza jarriko du martxan
DURANGO | Maiatzean egindako osoko bilkuran, Durangoko Udalak neurri garrantzitsuak onartu zituen 2025-2027 aldirako Dirulaguntzen Plan Estrategikoaren esparruan, herriaren memoria historikoa indartzeko eta jasangarritasun energetikoa sustatzeko, autokontsumo kolektiboko komunitate energetikoen bidez.
Lehen aldiz, Durangoko Udalak memoria historikoa berreskuratzeko dokumentalak babesteko dirulaguntza bat bultzatuko du, 2027an ospatuko den Durangoko bonbardaketaren 90. urteurrenari arreta berezia eskainiz.
Udal taldeak datozen hilabeteetan deialdiaren oinarriak prestatzen lan egingo du, eta ondoren deialdia martxan jarriko da. Ekimenak 40.000 euro izango ditu hasieran, eta etorkizuneko edizioetan zuzkidura doitu behar den baloratuko da.
Komunitate energetikoak
Osoko Bilkurak, halaber, autokontsumo kolektiboko erregimenean energia-komunitateak eratzeko eta kudeatzeko laguntzen aldaketa onartu zuen. Aurten, hasierako 30.000 euroko dirulaguntza 69.000 euro gehitu zaio, eta guztira 99.000 euro izan dira, trantsizio energetikoan aurrera egiteko eta tokiko elkarteei proiektu jasangarriak ezartzen laguntzeko.
Durangoko Udalak konpromisoa hartu du urtean zehar baliabide gehigarriak bideratzeko beharra berrikusteko eta, horrela, eraginkortasun energetikoa eta lankidetza komunitarioa sustatzen duten ekimen horiei laguntza egokia emango zaiela bermatzeko.
Udaletxeko Osoko Bilkuren Aretoak Musikaldiaren makila hartu du dagoeneko, 2028an Durangon egingo den hurrengo edizioaren ikurra.
Arantza Barrenetxeak, Bartolome Ertzilla Musika Eskolako Lehendakariak, Durangok Legazpin egin berri den edizioan parte hartu izana nabarmendu zuen, eta herrien eta musika eskolen arteko lankidetzaren garrantzia azpimarratu zuen: “Ilusio handiz eta erantzukizun osoz hartu dugu lekukoa. Ziur gaude 2028an Durangok Musikaldi bikaina eskainiko duela.”
Udalak Legazpiko antolakuntzari zoriondu die, baita Bartolome Ertzilla Musika Eskolari, musikaren kulturare eta hezkuntzarekin duten konpromisoagatik, eta 2028ko hitzordua prestatzeko laguntza berretsi du.
Udalak Legazpiko antolakuntza zoriondu du, baita Bartolome Ertzilla Musika Eskolari, kulturaren eta musika hezkuntzaren alde duten konpromisoagatik, eta 2028ko ekitaldia prestatzeko laguntza berretsi du.
