Biharko abisu horia aktibatuko da tenperatura altuengatik
EGURALDIA | Eguraldiak antzera jarraituko du gaur. Tenperaturak beroak izaten jarraituko du; maximoak gradu pare bat altuagoak izango dira eta 30 ºC-tik gora kokatuko dira leku guztietan, kostaldean izan ezik. Zerua hodei gutxirekin edo oskarbi egongo da, eta bero-hodei batzuk egongo dira Iberiar sisteman arratsaldean. Kantauri isurialdeko zenbait puntutan ere behe-hodei batzuk agertuko dira lehen orduetan. Arratsaldean ipar-ekialdeko haizea ibiliko da, eta gainerako orduetan ahula eta aldakorra izango da.
