Bihar, asteartea, maximoak 30 gradutik gorakoak izango dira berriro
EGURALDIA | Ezegonkortasuna nabarmenagoa izango da udako lehen aste honetan. Bero handia egingo du berriro, batez ere bihar, asteartea, ia 35 gradura iritsiko da, baina ekaitzak ere izango dira nagusi.
Astelehena, ostarteak arratsaldean
Astelehena nahiko estalia egongo da, baina arratsaldean ostarteak nagusituko dira; egunaren lehen orduetan zirimiri apur bat egin dezake. Hegoaldean zerua hodei gutxirekin egongo da eta erdi mailako hodeiak eta goi-hodeiak tartekatuko dira. Egunaren amaieran ekaitzak jo lezake berriro. Ipar-ekialdeko haize ahula ibiliko da eta tenperaturan ez da aldaketa nabarmenik espero.
Asteartea, beroa eta ekaitzak
Ezegonkortasuna asteartean izango da oraindik. Goiza lasaia izango da, eta tarteka eguzkia eta erdi-mailako hodeiak eta goi-hodeiak agertuko dira. Arratsaldetik aurrera euria iritsiko da, zaparrada eta ekaitz moduan. Haizeak ekialdekoak eta hego-ekialdekoak izango dira, eta tenperaturan eragin positiboa izango dute.
