Halaber, Durangoko Udalarekin negoziatzeko prest daudela adierazi dute
DURANGO | Kaletik Gaztetxera gazte mugimenduak Udaletxe aurrean dagoen Correosen eraikinaren okupazioa iragarri du. Joan den azaroko osoko bilkuran iragarri zuten gaztetxearen beharra zegoela herrian.
Gaur, ohar baten bidez, jakinarazi dute duela egun batzuk bilera bat izan zutela udal arduradunekin, baina esan dute ez dietela bermerik eman “gazteen beharrak aseko dituen espazio bat lortzeko”: “Udalak proposatutako proiektua ez dago haien esku soilik, denboran luzatuko da eta ez dio erantzuten egoeraren premiari”, zehaztu dute.
Mugimendua udalarekin negoziatzeko prest agertu da. Gainera, herriko gazteak “borrokarekin bat egitera” animatu dituzte.
