Bihar, asteartea, bero boladak jarraituko du, gaurko tenperatura altuekin
EGURALDIA | Beroaldiak eskualdea estutzen jarraitzen du astelehen honetan 40 gradu inguruko maximoekin. Asteartean tenperatura altuekin eta alerta laranjarekin jarraituko dugu. Asteleheneko tenperatura maximoak errepikatuko dira, eta barnealdean 35 gradutik gorakoak izango dira.
Horretaz gain, goizaldean hegoaldeko haizea ibiliko da eta minimoak ere altuak izango dira. Giroa argia izango da, erdi mailako hodeiekin eta goi-hodeiekin. Ez da baztertzen zaparrada trumoitsu batzuk botatzea. Haizea ekialdetik eta hego-ekialdetik ibiliko da eta iparraldera egingo du, goizean kostaldean eta arratsaldean barnealdean.
