Tenperatura maximoak aldaketa gutxirekin, baina goranzko joerarekin
EGURALDIA | Igandean haizea izango da guztiontzat hizpide, hego-mendebaldeko haizea oso zakar ibiliko baita, bereziki mendebaldean eta mendi inguruetan. Hodeiak ugarituko dira, hala ere, zenbait momentutan urdinguneak ikusiko ditugu eta euria egiteko probabilitatea oso txikia izango da; egunaren bigarren partean probabilitate hori zertxobait handituko da, eta zaparrada txiki eta sakabanaturen bat botako duenik ezin dugu guztiz baztertu. Tenperaturak berdin jarraituko du edo agian apur bat igoko da eta Kantauri isurialdean giro epela izango dugu.
