Maximoak atzokoak baino baxuagoak izango dira
EGURALDIA | Igandean ez da aldaketa handirik izango; zerua behe-hodeiekin lainotuta egongo da, ez hain trinkoak erdialdeko orduetan, iparraldeko haizea ibiliko da eta tenperaturak leun mantenduko dira. Hegoaldean ere iparraldeko haizea ibiliko da eta, indar handirik izango ez duen arren, nahikoa izango da eguneko tenperaturak 3 edo 4 ºC jaisteko. Hodeiak eta ostarteak Mediterraneoko isurialdean, eta arratsaldetik aurrera ekaitzak; berriro ere handiak eta kazkabarrak izan daitezke.
