Azken laurdenera arte estutu zuen aurkari borrokalari baten aurka landutako garaipena
SASKIBALOIA | Gizonezkoen Tabirako Baquek urteko lehen garaipena lortu zuen, Landako kiroldegian Askartzari 71-64 irabazita. Emaitza honen ondoren, bigarren jarri da hamar garaipen eta lau porrotekin.
Lehen laurdena irabazten hasi ondoren (19-18), bigarren laurdenean talde durangarrak abantaila handiagoa lortu zuen eta atsedenaldira 35-29ko emaitzarekin iritsi ziren. Aldageletatik igaro ondoren, aldea handitu egin zen 60-46raino, baina aurkari borrokalari batek gauzak zaildu zizkien durangarrei azken laurdenean.
Xabi Arroitajauregui (21 puntu eta 10 errebote), Jon Aldecoa (17 puntu eta 8 errebote) eta Mikel Amesti (11 puntu) izan ziren saskiratzaile nagusiak.
Hurrengo jardunaldian, Tabirakok Atletico San Sebastian hartuko du larunbatean 19:00etan.
