Tenperaturak gora egingo du apur bat
EGURALDIA | Gaur ere eguraldi aldakorra izango dugu, hego-mendebaldeko haizearekin, hodeiak eta urdinguneak tartekatuko dira. Haizea harrotu egingo da, bereziki mendi inguruetan, eta tarteka enbarazu egingo du. Zeruan erdi-mailako hodeiak eta goi-hodeiak agertuko dira, baina une askotan giroa argia izango da. Goizean goiz eta egunaren amaieran euri apur bat egin dezake, baina egunez bustitzeko probabilitatea nahikoa txikia izango da. Kantauri isurialdean tenperaturak gora egingo du apur bat.
