Kargua “ilusioz eta lan egiteko gogoz” hartuko duela agindu du
MAÑARIA | Azaroko Ohiko Osoko Bilkuraz geroztik, Endika Fernandez Amesti zinegotziak ez du bere karguan jarraituko. 2023ko ekainean sartu zen zinegotzi Fernandez, eta orain arte Ogasuneko Batzordeburu lanak egin ditu, eta Urkiolako Parke Naturaleko organoan ordezkari legez aritu da.
Fernandezen ordez Garazi Etxebarria Bizkarrak hartuko du kargua. Fernandezek “zorterik onena” opa dio zinegotzi berriari, eta Etxebarriak kargua “ilusioz eta lan egiteko gogoz” hartuko duela adierazi du. Etxebarriak abenduko Bilkuran hartu zuen kargua.
