DOT Durangaldea

94 655 00 33   info@dot.eus

Garaiko Udalak astelehenean aurkeztuko du HAPOren aurrerapena

Hitzaldi informatiboa irekia izango da herritar guztientzat 18:00etan, udaletxean

Aurkezpena datorren astelehenean izango da

GARAI | Kontuan harturik Hiri Antolamenduko Plan Orokorra (HAPO) dela udal-plangintzako tresna nagusia, udalerriaren egiturazko hirigintza-antolamendua ezartzen duena, eta, haren sailkapenetik eta kalifikaziotik abiatuta, lurzoruen etorkizuna (erabilera posibleak eta eraikuntza-intentsitatea) eta horiek garatzeko eta gauzatzeko programa finkatzen dituela, Garaiko Udalak urratsak egiten segitzen du HAPO berria gertatzeko xedez.

Hori horrela, Garaiko Udaleko urtarrileko osoko bilkuran, udalbatza osatzen duten bi alderdiek Garaiko Hiri Antolamenduko Plan Orokorraren Aurrerapena eta Hasierako Dokumentu Estrategikoa onetsi zuten eta jendaurrean azal dadin erabaki.

Horren haritik, aurrerapenaren faseari doakion herritarren partaidetzaren prozeduraren barruan, datorren astelehenean, apirilak 7 dituela, 18:00etan, udaletxean, planaren erredakzio-taldeak aurrerapenaren nondik norakoak azalduko ditu.

Aurkezpeneran ondoren, garaitarrek HAPOaren paratzaileekiko bilkurak egiteko aukera izango dute, aurrez aurre edo era telematikoan. Prozedura horren xehetasunak asteleheneko bilkuran emango dira. Hala berean, bilkurak egiteko aukeraren berri emango zaie Garaiko biztanle guztiei, etxerik etxe banatuko den idatzi bat dela medio.<

Utzi zure iruzkina

Zure e-posta helbidea ez da argitaratuko. Beharrezko eremuak * markatuta daude

This site uses Akismet to reduce spam. Learn how your comment data is processed.

Scroll to Top