Tenperatura maximoak gradu batzuk igoko dira, eta 20 graduren bueltan izango dira
EGURALDIA | Asteburuan, egun gris eta euritsuen ondoren, egun lasai eta eguzkitsuak datoz, eta tenperaturak apur bat gora egingo du, 20 graduren bueltan. Gaur, ostirala, hodeiak ugariak izango dira, baina orduek aurrera egin ahala, batez ere arratsaldean, hobera egingo du.
Ostirala, hobekuntza
Ostiralean hobera egingo du orduek aurrera egin ahala. Egunaren lehen partean zerua estalita egongo da eta tarteka zaparrada batzuk botako ditu; arratsaldean, berriz, atertu egingo du eta ostarteak zabaltzen hasiko dira. Eguneko tenperatura freskoekin jarraituko dugu, eta minimoak egunaren azken orduetan erregistratuko dira berriro. Gaua hotza izango da. Iparraldeko eta ipar-ekialdeko haizea.
Larunbata, eguzkitsua
Larunbatean eguzkia eta tenperatura maximoen igoera. Egunsentia hotza eta lainotsua izango da. Minimoak bost gradutik beherakoak izan daitezke barnealdeko zenbait puntutan. Goizean zehar eguzkiak giroa epelduko du eta eguerdi partean termometroak 20-22 graduren bueltan ibiliko dira. Ekialdeko eta ipar-ekialdeko haizeak joko du. Iluntzean tenperaturak behera egingo du berriro.
