Espazioek ordutegi bereziak izango dituzte azterketa-aldian, ikasleek ikasteko gune egoki bat izan dezaten.
DURANGO | Durangoko Udalak jakinarazi duenez ikasleei ikasteko espazio egokiak eskaintzeko helburuarekin, urtarrilaren 18ra bitarte hainbat udal-espaziotan ordutegi berezia jarriko du martxan. Neurri honek adin guztietako ikasleei lasaitasunez eta irisgarritasunez azterketak prestatzeko aukera ematea du xede.
Udal Liburutegia
Liburutegiak bere ohiko ordutegia zabalduko du egun hauetan:
● Urtarrilak 7, 8 eta 9: 9:00etatik 21:00etara.
● Urtarrilak 10 eta 17: 10:00etatik 20:00etara.
● Urtarrilak 11 eta 18: 10:00etatik 14:00etara eta 16:00etatik 20:00etara.
Intxaurrondo
Urtarrilaren 7tik 18ra, astelehenetik ostiralera, Intxaurrondoko ikasgela erabilgarri egongo da, 9:00etatik 14:00etara.
Durango Kirolak – Landako I
Landako I kiroldegiak ere ikasteko espazioa eskainiko du urtarrilaren 7tik 8ra:
● Asteazkenetik ostiralera: 9:00etatik 21:00etara.
● Larunbatetan: 9:00etatik 21:30era.
● Igandeetan: 9:00etatik 14:00etara.
Udaletik ikasle guztiei dei egiten zaie espazio hauek aprobetxatzera, ahalegin eta kontzentrazio garaian baldintza egokietan ikasi ahal izan dezaten.
