Topaketa honek, hiri-zuhaitzen egoeraren eta aurreikusitako prebentzio-neurrien berri ematea du helburu, eta 18:30etan izango da Durangoko Udaletxeko osoko bilkuren aretoan
DURANGO | Hiri-segurtasunari lotutako azterlan espezializatu baten esparruan, Durangoko Udalak udalerriko jendetza handiko espazioetan dauden zuhaitzen egoera aztertzeko eskatu du. Lanaren helburua argia da: herritarren segurtasuna bermatzea eta hiri-ingurunean zuhaitzek eragin ditzaketen arriskuak prebenitzea.
Hiri-zuhaitzen arloko teknikari espezialista batek egin du azterlana, horretarako kontratatutako enpresa batek. Azken asteetan, zuhaitz garrantzitsuenen ebaluazio sakona egin da, egitura- eta osasun-egoera, baita inguruko baldintzak ere kontuan hartuta.
Azterlanaren emaitzak partekatzeko eta bertan jasotako prebentzio-neurriak eta gomendioak zuzenean ezagutarazteko, Durangoko Udalak herritarrei zuzendutako informazio-saio bat antolatu du. Aurkezpena urriaren 22an izango da, asteazkena, 18:30ean, udaletxeko osoko bilkuren aretoan.
Saioan, azterlanaren ardura duen espezialistak egindako prozesua eta lortutako aurkikuntza nagusiak azalduko ditu, eta bertaratutakoen zalantzak argituko ditu. Topaketak aukera emango du Durangoko kale eta parkeetako zuhaitzen egoerari buruzko ikuspegi zehatza emateko, baita segurtasuna bermatzeko eta udalerriko ondare naturala kontserbatzeko egiten ari diren ekintzak azalduko.
Udalak herritar guztiak animatzen ditu topaketan parte hartzera, azterlanaren informazioa partekatzeko eta aurreikusitako jarduerak hurbiletik ezagutzeko.
