Inaugurazio ofiziala azaroaren 8an, larunbata, izango da, 13:30ean
DURANGO | Durangoko Udalak gaur goizean eman du jakitera, gosari informatibo batean, azokako plaza berrituak datorren astelehenean irekiko dituela ateak. Uztailaren amaieran hasi eta gaur amaituko diren obren ondoren, Merkatu Plaza berrituak 5 postu ditu esleituta: haragia, urdaitegia, zero kilometroa, ozpinetakoak eta taberna bat. Azaroaren 8an, larunbata, inauguratuko da ofizialki espazio berritua, 13:30ean hasiko den programazioarekin.
Durangarrako Udalak jakinarazi du urtea amaitu baino lehen beste bost postu esleitu nahiko lituzketela: arrandegi bat eta elikadurarekin lotutako lau. Laster hiru asteko epea irekiko da eskaintzak aurkezteko. Gainera, azaroaren 15ean baserritarrak leku berrituan egongo dira. “Bizikidetza nolakoa den ikusteko proba egingo dugu. Ondo funtzionatuko duela eta gera daitezkeela uste dugu, baina gauzak funtzionatzen ez badu, ohiko antolakuntzara itzuliko gara “, aurreratu dute Udaletik.
