20.000 biztanletik gorako udalerri horretan erregistratu dira delitu gutxien
DURANGO | Aurtengo lehen sei hilabeteetan, kriminalitatea % 3,9 murriztu da Bizkaian, 29.507tik 28.349ra (1.158), iazko lehen seihilekoaren aldean, Barne Ministerioak berriki argitaratutako txosten batean jasotako datuen arabera. Aipatzekoak dira indarkeriaz eta larderiaz egindako lapurretak (-%16,2), droga-trafikoa (-%12), ebasketak eta iruzur informatikoak (-%5,8).
Bildutako datuen arabera, Bizkaiko hiriburuan erregistratu dira arau-hauste penal gehien; Durangon, aldiz, 20.000 biztanletik gorako delitu gutxien.
Txostenak zehazten duen bezala, 502 ekintza kriminal bildu dira; horien artean, ebasketak (109), iruzur informatikoak (133) eta Barne Ministerioak gainerako kriminalitate konbentzionala (173), besteak beste, eraso fisikoak eta hitzezkoak (ez-sexualak) biltzen dituena. Urtarriletik ekainera bitartean delitu gutxien pilatu dituen 20.000 biztanletik gorako Bizkaiko udalerria izateaz gain, Durangok 61 delitu gutxiago erregistratu ditu iazko lehen seihilekoaren aldean, hau da, kriminalitateak % 10,8 egin du behera.
Ez da dolozko hilketarik eta hilketarik izan, ez burutuak, ez saiatuak. Bestalde, lesioen eta liskar iskanbilatsuen delitu larriak eta larritasun gutxiagokoak 7tik 4ra jaitsi dira, eta sexu-askatasunaren aurkako delituak 5etik 4ra. Hala ere, indarkeriaz eta larderiaz egindako lapurretak 5etik 1era jaitsi diren bitartean, etxebizitzetan, establezimenduetan eta bestelako instalazioetan indarrez egindako lapurretak 38tik 46ra igo dira. Gauza bera gertatzen da ebasketekin, iazko lehen seihilekoan baino hamar gehiago egin baitira.
| Kriminalitate Motak | 2024 | 2025 | Aldaketa % 25/24 |
|---|---|---|---|
| I. Kriminalitate ohikoa | 384 | 344 | -10,4 |
| 1. Asesinatu eta hilketa boluntarioak | 0 | 0 | 0,0 |
| 2. Asesinatu eta hilketa saiakera boluntarioak | 0 | 0 | 0,0 |
| 3. Zauri larriak eta istilu oldarkorrak | 7 | 4 | -42,9 |
| 4. Bahiketa | 0 | 0 | 0,0 |
| 5. Askatasun sexualaren aurkako delituak | 5 | 4 | -20,0 |
| 5.1 Sartutzearekin sexu erasoa | 0 | 1 | 100,0 |
| 5.2 Askatasun sexualaren aurkako beste delituak | 5 | 3 | -40,0 |
| 6. Indarkeriarik eta beldurrik erabilita lapurreta | 5 | 1 | -80,0 |
| 7. Indarkeriarekin lapurretak (etxebizitzak, etab.) | 38 | 46 | 21,1 |
| 7.1 Etxebizitzetan lapurretak | 31 | 33 | 6,5 |
| 8. Lapurreta arruntak | 99 | 109 | 10,1 |
| 9. Ibilgailuen lapurretak | 6 | 2 | -66,7 |
| 10. Droga trafikoa | 8 | 5 | -37,5 |
| 11. Kriminalitate ohikoaren gainerakoa | 216 | 173 | -19,9 |
| II. Ziberdelituak | 179 | 158 | -11,7 |
| 12. Informatika estafak | 166 | 133 | -19,9 |
| 13. Beste ziberdelituak | 13 | 25 | 92,3 |
| III. Kriminalitate totala | 563 | 502 | -10,8 |
