Apirilaren 16ra arte, 50 eurora arte gastatuz erosleak 40 euro ordainduko ditu
ERMUA | Ermuko Merkatari eta Ostalarien Elkarteak (EMOEk) bonu kanpaina berri bati hasiera eman dio herriko dendetan hilabetez merkeago erosteko. ‘Bono Ermua’ egitasmoa apirilaren 16ra arte luzatuko da eta atxikitako komertzioetan 50 eurora arte gastatuz erosleak 40 euro ordainduko ditu. Hau da, bonuak 10 euroko hobaria izango du.
Gutxienez 50 edo 25 euro (bonu erdia) erosketa egin beharko da. Bonuak ez dira beste sustapen batzuekin bateragarriak. Elkarteak bere sare sozialetan ematen du sustapen-kanpainaren berri.
Bonuak Merkatu Plazan eskuragarri daude. Zehazki, Minbiziaren kontrako elkartearen lokalean goizeko 9:10etatik 13:00etara eta arratsaldeko 17:00etatik 19:00etara.
Pertsona bakoitzak gehienez 2 bonu erosi ahal izango ditu.
