«Mendi inguruan dabiltzan pertsonen esperientzia oso desberdinak. Artetik abiatuz eskaladaraino helduko gara, bidaia ahaztu barik, jakina», azaldu dute antolatzaileek
ELORRIO | Erdella Mendizale taldeak antolatzen duen Mendi Astea datorren astelehenean hasiko da eta honako gaiak landuko ditu:
Eñaut Aiartzaguena Bravo iurretarrak bere mendi esperientzia Artera zelan eraman duen azalduko digu. Carros de Foc ibilbide entzuetsua irudietan. Honen inguruan aste biko erakusketa (18tik 28ra) eta sarrera hitzaldia azaroaren 18an Iturri Kultur Etxean.
Koke Lasa ekialdetik mendebaldera, oinez, Nepal zeharkatzen duen ibilaldiari buruz arituko da azaroaren 19an Iturri Kultur Etxean. Gure mundu txikitik mundu zabalera burututako bidaiak beti gertu gure gogoetan.
Gontzal Murgoitio Esparzaren eskutik gaur egun horren arrakastatsuak diren mendi lasterketeei hurbilketa izango da. Gozamena eta sufrimendua batera ariniketan azaroraren 20an Gaztetxean.
Ainhize Belarrek horren aipatuak diren zenbakiari buruzko azalpena ez matematikoa egingo digu. Eskaladan punta puntakoa den atxondoarra azaroaren 21ean Iturri Kultur Etxean.
Mendi Astea gusto onez amaitzeko Urteko Asanblada egingo dugu. Luntx aurretik 2024an gertatutakoa errepasatu eta 2025eko hobekuntzak eta egitasmoak giro onean arratsaldeko 6retan Kirol Etxean.
