Merkurioa 30 graduraino igoko da asteazken eta ostegunean
![Durangaldeko eguraldiaren aurreikuspena GRAFISMOA: Unai García](https://dot.eus/wp-content/uploads/2024/06/IMG_6164-500x281.jpg)
EGURALDIA | Maiatza euritsu eta fresko baten ondoren, ekaineko lehen astea aldaketa garrantzitsuekin dator. Gaur, astelehena, hodeiek egun eguzkitsuei bide emango diete, eta tenperaturak nabarmen egingo du gora, astearen erdialdean 30 gradu ingurura iritsiz.
Astelehena, eguzkia arratsaldean
Asteleheneko lehen partean hodeiak ugarituko dira oraindik ipar partean, eta tarteka euria egin lezake, batez ere goizaldean eta goizean goiz, baina zaparrada mardulagoren bat ere bota lezake. Arratsaldean hodeiak gutxitu egingo dira eta azken orduetan hodei gutxi egongo dira ia leku guztietan. Haizea ipar-ekialdekoa izango da, arratsaldean biziagoa. Eguneko tenperaturak gora egingo du, eta maximoak 20 ºC-tik gora kokatuko dira.
Asteartea, beroa dator
Azkenik, asteartean tenperaturak aireratuko dira eta garai hartarako balio egokiagoak lortuko dituzte. Igoera nabarmena izango da, eta maximoak 25 ºC ingurukoak edo handiagoak izango dira eskualde gehienetan. Giro eguzkitsua nagusituko da, goizean goiz behe-lainoa egongo da eta mendi inguruetan arratsaldez bero-hodei batzuk garatuko dira. Haizea leuna eta norabide aldakorrekoa izango da, eta arratsaldean iparraldea nagusituko da.