Bingen Zupiria Segurtasun sailburuak eta Ainhoa Salterain alkateak bilera egin dute gaur elkarrekin lan egiteko
AMOREBIETA-ETXANO | Bingen Zupiria Eusko Jaurlaritzako Segurtasun sailburua Amorebieta-Etxanon izan da gaur, Ainhoa Salterain alkatearekin bilera egiteko. Topaketa honen helburua Udalaren eta Segurtasun Sailaren arteko lankidetza estutzea da, udalerriko segurtasuna indartzeko ekintza bateratuak koordinatzea bilatuz.
Bileran, alkateak nabarmendu du oso garrantzitsua dela Eusko Jaurlaritzarekin komunikazio arina ezartzea segurtasunaren arloan, herriaren eta zornotzarren beharrei modu eraginkorrean erantzuteko. “Segurtasuna lehentasuna da gure udalerriarentzat, eta Segurtasun Sailarekin batera lan egiteko konpromisoa dugu, Amorebieta-Etxanon bizikidetza segurua eta lasaia bermatzeko”, adierazi zuen Ainhoa Salterainek.
Beraz, lehen bilera instituzional honek Amorebieta-Etxanoko Udalaren eta Eusko Jaurlaritzako Segurtasun Sailaren arteko lan-etapa bati hasiera ematen dio, bi erakundeek segurtasun-politika eraginkorrak eta tokiko errealitatera egokituak garatzen jarraitzeko duten konpromisoa indartuz.
