Kirol jardunaldiak jarduera ugari izango ditu herritar guztientzat
ERRUGBIA | Amorebieta-Etxanon Errugbiaren Eguna ospatuko da lehen aldiz larunbat honetan, Urgozo Rugby Taldearen hamargarren urteurrena ospatzeko. Ekimen hau klubak berak antolatu du, Udalaren laguntzarekin, eta errugbia herritar guztiei hurbiltzea du helburu, baita adin guztietarako kirol, musika eta bizikidetza arratsalde bat eskaintzea ere.
Festa 15:30ean hasiko da, Larreako errugbi zelaian, non Urgozo Zornotza Rugby taldeak Mungia Rugby taldearen aurka jokatuko duen. Kirolaz gain, arratsaldeko 18.00etan zuzeneko musika izango da, herriko kaleak eta giroa alaituko dituen elektrotxarangarekin. Gauean, Zubiondo plazan, afari herrikoia izango da 19:45ean, eta, 20:00etatik aurrera, kontzertuak Mixerabliak eta Altxa Porru taldeekin.
Antolatzaileek eta Amorebieta-Etxanoko Udalak adin guztietako herritarrak gonbidatzen dituzte kirol eta kultur jai honetan parte hartzera.
