Zeletabe eta Txinurrisolon 3’5 tona baino gehiagoko kamioiak eta baimendu gabeko autoak ordu jakin batzuetan hirigunetik igarotzen direla kontrolatuko dute
ABADIÑO | Abadiñoko Udalak lehiaketa publikora atera du ibilgailuen matrikulak irakurtzeko zerbitzuaren kudeaketa. Trafiko Ordenantzaren aldaketan, hirigunetik 3 ‘5 tona baino gehiagoko kamioiak igarotzeko debekua eta Zeletabe eta Txinurrisolo kaleetan ordu jakin batzuetan erabiltzaile jakin batzuei gune horietara sartzeko baimena arautzen dira. Eremu horien segurtasuna hobetzeko, matrikulak irakurtzeko gailuak instalatuko dira.
Alde batetik, maiatzeko herri-galdeketan herritarrek Zeletabe kalea ordu jakin batzuetan irekitzearen alde bozkatu zuten. Bestalde, Udala Txinurrisoloko bizilagunekin eta bertan jarduera ekonomikoa egiten duten merkatariekin bildu zen, eta alde guztiek bat egin zuten ibilgailuak ordu jakin batzuetara etxebizitzen atarietara edo saltokietara hurbiltzeko ideiarekin.
behar zehatzak. Halaber, Zelaieta-Muntsaratz zeharbidetik kamioi astunak igaro ez daitezen, gailu horiek bi puntutan jarriko dira.
Inguruko enpresetan kargak eta deskargak egiten dituzten ibilgailu astunek bakarrik zirkulatu ahal izango dute bertatik. Hala ere, baimendutako bide mugatu bat izango dute.
Lizitazioa
Matrikulak irakurtzeko gailuen funtzionamendua erraza izango da: ibilgailuen matrikulak baino ez dira irakurriko, eta eremu horietan edo ordutegi horietan egon ezin diren ibilgailuak detektatu ahal izango dira. Instalazio horren aurrekontua 50.000 eurokoa da (BEZa barne) 4 urterako.
